71歲的吳大強（Bill 哥哥）近日接受港台車淑梅的《舊日的足跡》訪問，分享自己的演藝夢，以及對幾名兒子事業各有所成的感受。Bill 哥哥小時候家住元朗，經常健身，更擁有八塊腹肌及兩個夢想。當年他渴望成為職業球星或明星，可惜事與願違。他於1971年參加香港電台舉辦的歌唱比賽，憑歌曲《One Day》獲得第二名，翌年報名無綫電視藝員訓練班卻失落了。Bill哥哥說：「比賽第二輪已經冇下文，可能我唔夠靚仔又唔夠高。婚後我見到四個仔，個心想佢哋有冇呢個天份、興趣和能耐呢？當年無綫招考藝人，我幫老二（吳偉言）同老三（吳偉豪）報名，結果千幾人入面只揀咗九個入圍，佢兩個都中選。不過老二一直夢想做飛機師，要去加拿大升學，結果老三就加入咗娛樂圈。」
同場加映：隱門丨阮浩棕曾離巢再做新人發展順遂 遺憾再聽不到嫲嫲梁舜燕讚賞
思家大戰丨吳偉豪由爸爸率領一門四傑玩遊戲 高顏值機師二哥曾同考藝訓班【下一頁】
Bill哥哥跟太太育有四名兒子，分別是偉諾、偉言、偉豪及偉傑，名字中已包含他對兒子的期望。「我當過輔警， 太太任職懲教處。我哋住宿舍，屋企非常守紀律。當年老大考消防隊長，我曾經好擔心。佢畢業冇耐，牛頭角大火事件傳出有消防隊長出事，佢都喺現場。我打電話畀他又冇人聽，好彩最終都搵佢。老二要做飛機師，我認為係不切實際嘅夢想，咁啱遇著國泰招募機師，佢過咗好多關，終於喺澳洲畢業，仲代表同學致謝辭，我覺得好驕傲。佢做咗飛機師，畀我享有搭飛機優惠。而家係收成期，可惜又遇上疫情……我暫時仲未坐過佢駕駛嘅飛機。」
談到入行七年的三仔吳偉豪，Bill哥哥稱兒子入行時未夠18歲，他並不擔心兒子沒有一炮而紅， 因為兒子跟同期同學相比，表現也算令人滿意。有人稱讚吳偉豪為翻版吳彥祖，Bill哥哥說：「電視台比佢靚仔嘅演員大有人在。佢做戲還可以。我曾經擔心佢會學壞，但原來劇組就好似一家人咁互相照顧，令我好放心。」他替兒子獲頒「飛躍進步男藝人獎」感到非常開心。「幸運地上年佢參演嘅劇集有發揮機會，自此之後佢更加有信心。呢個圈一定要學習其他 嘅演技，唔一定要好似發哥（周潤發）或華仔（劉德華）咁， 但要努力去做。」
中年好聲音丨吳大強Chill住管教任四個仔發展 71歲追夢深感幸福：畀大家睇到衝勁【下一頁】
Bill哥哥未婚前曾移民加拿大並修讀酒店管理，回港後從事酒店業，至兩年前退休。Bill哥哥認為自己遲婚，40歲先做爸爸，對幾名兒子選擇女友甚為開通。「雖然我係潮州人， 但（兒子）唔一定要娶潮州女仔。靚女當然好，但心地好更重要。」他更在節目中向太太表示愛意：「好想畀佢知道佢係我生命嘅一部份，特別係我早前身體唔舒服嘅時候，佢對我真係照顧有加。我要向佢講『I will always love you』，希望佢感受到我對佢無盡嘅愛。」他還在節目中清唱《Yesterday once more》送給太太， 非常溫馨。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：娛樂組